政情：茉莉惊魂KK被公安搜身

由网民发动嘅「中国茉莉花革命」搞到内地草木皆兵。正在召开全国人大、政协「两会」嘅北京更加处处杯弓蛇影，港区全国人大代表KK黄国健前晚下榻北京饭店时，就因一时不慎变成「疑犯」，被公安搜身。KK慨叹做咗九年人大，被公安搜身都系第一次！

立法会前日三读通过明年立法会选举修例，KK先启程上京，点知当晚入到北饭，保安森严，人大都冇面畀，要接受安检。

佢以为循例手续嚟啫，无为意就咁行过金属检测机，点知腰间条皮带有金属扣，警报随即响起，在场公安如临大敌，当佢系犯咁搜身，搞咗一轮，证实KK身上无可疑物品先至放人兼放行。

KK话以前开两会，只要心口挂住人大证件，就喺北饭通行无阻，谂唔到今年关卡重重，直指内地当局有啲神经过敏，话：「如果人大都信唔过，仲信得边个？」