2010年02月22日
(3人)瀏覽人次：67 回應：0 轉寄朋友 文章回應
喺 2010年 2月 22日下午 3點，係本港互聯網被「河蟹」嘅悲痛時刻。網民形容已經被左派入侵嘅互聯網專業協會（
iProA）今日舉行記者會，宣佈同高登、親子王國等幾個出名網絡營運商組成聯盟，對外聲稱目的係提高網上服務水平，處理私隱、侵權同誹謗等問題。不過網
絡世界普遍相信 iProA係想借聯盟打壓言論自由，所以發動網民去記者會場地示威，力保網絡自由清白之身。
「反對高登加入 iProA捍衞言論自由」係班高登友喺 facebook發起嘅其中一個群組。
iProA今日下晝 3點喺太古廣場三期 23樓舉行記者會，宣佈聯盟正式成立。有網民知道事件之後非常不安，因為知道
iProA係一個紅過炸子雞、由保皇派人士領導嘅組織，現任會長鄧淑明舊年中共建政 60周年嗰陣，係中央欽點去北京閱兵嘅
211人中其中一個，但佢因病冇出席。前任會長就係民建聯第二梯隊葛佩帆。高登友話一旦結盟，顯然會打擊高登言論自由，高登實會被河蟹，從此高登友就冇好
日子過。
為咗唔好坐以待斃睇住高登被赤化，班高登友喺 facebook發起多個群組，例如「反對高登加入 iProA捍衞言論自由」等，反對高登加入聯盟，至噚晚已超過 2,800人加入。有網民更呼籲網友今日下晝 3點去太古廣場記者會場地示威同抗議。
「誓要捍衞言論自由」
網民目的好簡單，就係反對高登加入聯盟以保障網上言論自由，同要求高登管理層交代事件。「唔係高登就正式收皮喇」、「我們今天站起來為着明天網絡未來」、
「高登已死！香港已死！反對高登加入 iProA，誓要捍衞言論自由！」全部都係網民在 facebook對高登的心聲。
面對網民群起反對，高登行政總裁林祖舜話會以平常心看待，今日會交代結盟詳細原因。佢話留意到近期網上衍生嘅管理問題，好似侵犯私隱、誹謗、侵權等等，建
議最好由政府參考《版權條例》立法，界定乜嘢係有問題嘅網上言論同資料，投訴者就要提出有關言論同資料有無侵權、歧視、誹謗證據，令網絡和諧啲。係河蟹定
係和諧，網民點睇？
http://forum4.hkgolden.com/view.aspx?message=2153982
现在“一人一post”同埋“临ban宣言”活动如火如荼中
